Quen somos?

Somos un movemento popular unido polo obxectivo de recadar os medios económicos necesarios para sufragar a restauración das Pinturas Murais de Sela.

Agrupámonos nunha comisión encabezada polo párroco Alfonso Besada, a Historiadora da Arte, Amabel González e as diversas asociacións da parroquia (Asociación Virxe do Carmen, Asociación Festa da Augardente de Sela, Comunidade de Montes en Man Común, Asociación Cultural Evaristo de Sela, Comunidades de Usuarios de Augas), apoiados polo Concello de Arbo.

Esta obra pertencente ao Barroco, de corte popular, datase a partir do ano 1683 como indica unha inscrición que se estende polas paredes laterais, que versa sobre a construcción da Capilla e que foi un encargo do abade do momento Baltasar de Puga e Novoa: “ESTA CAPILLA CORO SACRISTIA ICO A SU COTA D. ALTHASAR DE PUGA I NOBOA ABD ANO 1683”

Actualmente non hai estudios profundos sobre as pinturas, polo que non podemos afirmar exactamente cal e a data das pinturas nin o pintor que as levou a cabo.

As pinturas sitúanse na bóveda de cañón situada sobre o presbiterio da igrexa.  Nelas represéntase en 15 escenas o Ciclo da Paixón de Xesucristo (Paixón, Morte e Resurrección) característico do século XVIII e o estilo das pinturas pódese considerar popular.

As distintas escenas distribúense en tres rúas; unha central con tres escenas de tamaño superior ao resto das representacións, sendo unhas das máis importantes a Santa Cea e/ou a Oración no Horto. Aparece aquí tamén o escudo dos Puga e Novoa. Esta heráldica repítese no Pazo ­ Casa Grande de Sela, situado xusto á beira da igrexa.

E dúas laterais que desenvolven as diferentes escenas do Calvario da Paixón de Cristo e Resurrección.